छम्ह नेवाः । वैगु
ब्वहल्ये थः बाज्या बराजु पिन्सँ क्वबिइका थकुगु यक्व हे भालात दु ।
अल्याख्यः ल्याखाय् हे मफयेक । क्वविइहे थाकुगु । नेपाःया न्हाये हलिमय्
धस्वाकेत क्यनेमाःगु अल्याख्यः तजिलजि त दु वैके । वैके छु जक मदु ?
वैके न्ह्यैपूगु जात्रा पर्वये थाये थास्ये चाःहीके माःगु खः मरुकी,
यइपूगु थीथी बाजंया थी थी बोलया सः मरु ?
थी थी आखः उकिसनं हलिमये हे तसकं बाँलाःगु कलात्मक रञ्जना लिपी मरुकी,
अद्धितीय बास्तुविद् अले च्वन्ह्याःगु कलात्मक सिर्जनायाये फूपीं सिल्पी मरु ?
चुकः ननि, बहाः बही, चैत्य, देगः, छेँ दूगु छगु ब्यवस्थीत निगः मरुकी,
तन्त्र मन्त्र साधना याना द्यःयात हे सालाः कजेयाना तय् फूगु किगः मरु ?
वैके छुजक मरु ? वैके न्ह्यैपूगु यइपूगु थी थी प्याखँत मरुकी,
बुसां निसें सीबले तक्क याये माःगु थःगु हे दर्शनया ज्याखँ त मरुकी,
थी थी इलये कने हे माःगु बसुन्धरा, स्वस्थानी थेंज्याःगु थःगु हे पुलंगु धार्मिक बाखँत मरु ?
थी थी ऋतुइ लाये अले प्रहरये तकं थी थी थाय् थायेहे माःगु धुन त मरुकी,
न्ह्याग्गुनं समाज नापं भ्यलयेपुनाः च्वनां सकसीतं थः नाला खँ ल्हाये फूगु गुण मरु ?
वैके छु जक मरु सकतां दु सकतां…..
व छम्ह समृद्धशाली नेवाः खः । वैके सकतां दु सकतां ।
थौं वैके अल्याख्यः भाला त दु । थ्व फुक्कं थः पुर्खाँ थःत बिया थकूगु तजिलजि त म्हाला साला याय्गु । थुलि जक मखु नीछगुगु शताब्दीइ थ्यंम्हँ वं थौं कन्हेया साइन्स एण्ड टेक्नोलोजी अले एड्भान्स लाइफया बारे नं सयेका सीयका तये माःगु दु। थुलीयाये मफुसाला व आउट डेटेड मनु जु हे जुइनी । थौंया थ्वः नीछगुगु शताब्दीया सामाजये व गथेयाना भ्यलयेपुना च्वने फै ?
उफ् छम्ह नेवाःया ब्वहःलये गुली जक भाला ? थःगु पुर्खाँ बिया थकुगु थज्याःगु अल्याख्यः सम्पदा तजिलजित म्हालासालानि यायेगुकी थः थौंया समाजये भ्यलेपुनेत सु संस्कृत सिभिलाइज धायेकेत/जुइत न्हुन्हुगु खँ त सयेका सिइका थः अपडेट जुया च्वनेगु ? थौं वैत थःगु तजिलजित ल्यंका तयेत तसकं थाकुइ धुंकल छायेकी म्हिगः थें मखु थौंया परिवेश । म्हिगःया नेवाः वस्तीइ थौं नेवाःत हे म्हों जुइ धुंकल । जात्रा पर्व तजिलजित न्हापाथें हे न्ह्याकातुं यंकेत थौंया परीवेशय् वैत तसकं थाकुइ धुकंल । उकीं गुलीतला दिइ नं धुंकल । अथे खःसां व हिं मरुसां हिंया प्वचिनागु कापः नतुनां क्यनां वास्यां न्हीला च्वंगुदु । वैत पश्चिमा तजिलजिं त्यतुमतु त्यये धुंकल । म्वायेत लजगा चुलाकेत ल्हाःम्हुतु चुलाकेत तकं थौं वैत तसकं तसकं थाकुइ धुंकल । आ वं थःगु तजिलजित गथेयाना याकःचां म्वाके फै ? उफ् गज्यागु सुसंकार समृद्धशाली नेवाः थौं स्वः न्हिंया न्हिंथं पतन जुया च्वंगु………
पाक कलाये निपुण नांजाःगु थः पुर्खाँ न्हिंया न्हिंथं चयेप्यता घासा ज्वरेयाना नया च्वंगु खँ थौं बाखँ थेँ न्येना थौं थःम्हं छता घासा ज्वरेयायेत तकं भुयुचःति पिकाःना ज्याः याना च्वनेमाःबले वैगु मन गुली ख्वल जुइ ? थः नयेतला थौं कन्हे बेसाः भालं थुली सास्ती अझ व थी थी जात्रा पर्व तजिलजित वं गथेयाना थःयाकःचां म्वाका तयेगु । गथेयाना क्वबिइगु वं व झ्यातूगु भाला ? देया तजिलजि देया गौरब सम्रक्षण यायेगु जिम्मा सरकारया खः तर उकीं वं सरकारं जकं छुं वैत ग्वाहाली याइकी धका ग्वाहाली फ्वनी तर तर तर थ्व सरकार…..?????
सरकारंला वैगु नेवाः तयेगु संमृदता खंका मिखा वंकाः व कुतिल चाल म्हिता नेवाः तयेगु गुथीगानाया सम्रक्षण यायेगु नाम्ये व दक्वं थःगु याना न्हापा हे काये धुंकूगु वं बल्ल सीइकी । थः बाज्या बराजु पिन्त आखः मसः पिन्त धोंल्हाना सरकारं क्वाप्प याये धुंकल खनी । आ ग्वाहाली फ्वंबले नेवा तयेत ल्वाप्पा नका है । दे या न्हाये धस्वाकेत मांसा नेवाः तजिलजित क्यना फुइँ याइम्ह थ्व सरकार थौं तजिलजि त संकस्तये लाःबले स्व वास्ता तकं मयाःगु …… वाह सरकारी निति वाह……
थपायेसकँ झीगु गौरव झीगु न्हाये संकस्तये लाये धुंकल तर नं तर नं सरकारयात दबाब बीत नेवाःत अझं न्ह्यलं मचाःनी । व थःगुहे सूरये दु । व थःगु हे तालये । वैत दुनें दुनें स्याःचा तर पिनेला व वास्यां न्हिला क्येना च्वंगु दु । आखिर थ्वनला छगु नेवाःया चिंहे खःनी मखाला । वास्यां न्हीलेगु । हें हें हें जिला अजुचा थ्व नेवाः तयेगु पहः खना…..
वैके न्ह्यैपूगु जात्रा पर्वये थाये थास्ये चाःहीके माःगु खः मरुकी,
यइपूगु थीथी बाजंया थी थी बोलया सः मरु ?
थी थी आखः उकिसनं हलिमये हे तसकं बाँलाःगु कलात्मक रञ्जना लिपी मरुकी,
अद्धितीय बास्तुविद् अले च्वन्ह्याःगु कलात्मक सिर्जनायाये फूपीं सिल्पी मरु ?
चुकः ननि, बहाः बही, चैत्य, देगः, छेँ दूगु छगु ब्यवस्थीत निगः मरुकी,
तन्त्र मन्त्र साधना याना द्यःयात हे सालाः कजेयाना तय् फूगु किगः मरु ?
वैके छुजक मरु ? वैके न्ह्यैपूगु यइपूगु थी थी प्याखँत मरुकी,
बुसां निसें सीबले तक्क याये माःगु थःगु हे दर्शनया ज्याखँ त मरुकी,
थी थी इलये कने हे माःगु बसुन्धरा, स्वस्थानी थेंज्याःगु थःगु हे पुलंगु धार्मिक बाखँत मरु ?
थी थी ऋतुइ लाये अले प्रहरये तकं थी थी थाय् थायेहे माःगु धुन त मरुकी,
न्ह्याग्गुनं समाज नापं भ्यलयेपुनाः च्वनां सकसीतं थः नाला खँ ल्हाये फूगु गुण मरु ?
वैके छु जक मरु सकतां दु सकतां…..
व छम्ह समृद्धशाली नेवाः खः । वैके सकतां दु सकतां ।
थौं वैके अल्याख्यः भाला त दु । थ्व फुक्कं थः पुर्खाँ थःत बिया थकूगु तजिलजि त म्हाला साला याय्गु । थुलि जक मखु नीछगुगु शताब्दीइ थ्यंम्हँ वं थौं कन्हेया साइन्स एण्ड टेक्नोलोजी अले एड्भान्स लाइफया बारे नं सयेका सीयका तये माःगु दु। थुलीयाये मफुसाला व आउट डेटेड मनु जु हे जुइनी । थौंया थ्वः नीछगुगु शताब्दीया सामाजये व गथेयाना भ्यलयेपुना च्वने फै ?
उफ् छम्ह नेवाःया ब्वहःलये गुली जक भाला ? थःगु पुर्खाँ बिया थकुगु थज्याःगु अल्याख्यः सम्पदा तजिलजित म्हालासालानि यायेगुकी थः थौंया समाजये भ्यलेपुनेत सु संस्कृत सिभिलाइज धायेकेत/जुइत न्हुन्हुगु खँ त सयेका सिइका थः अपडेट जुया च्वनेगु ? थौं वैत थःगु तजिलजित ल्यंका तयेत तसकं थाकुइ धुंकल छायेकी म्हिगः थें मखु थौंया परिवेश । म्हिगःया नेवाः वस्तीइ थौं नेवाःत हे म्हों जुइ धुंकल । जात्रा पर्व तजिलजित न्हापाथें हे न्ह्याकातुं यंकेत थौंया परीवेशय् वैत तसकं थाकुइ धुकंल । उकीं गुलीतला दिइ नं धुंकल । अथे खःसां व हिं मरुसां हिंया प्वचिनागु कापः नतुनां क्यनां वास्यां न्हीला च्वंगुदु । वैत पश्चिमा तजिलजिं त्यतुमतु त्यये धुंकल । म्वायेत लजगा चुलाकेत ल्हाःम्हुतु चुलाकेत तकं थौं वैत तसकं तसकं थाकुइ धुंकल । आ वं थःगु तजिलजित गथेयाना याकःचां म्वाके फै ? उफ् गज्यागु सुसंकार समृद्धशाली नेवाः थौं स्वः न्हिंया न्हिंथं पतन जुया च्वंगु………
पाक कलाये निपुण नांजाःगु थः पुर्खाँ न्हिंया न्हिंथं चयेप्यता घासा ज्वरेयाना नया च्वंगु खँ थौं बाखँ थेँ न्येना थौं थःम्हं छता घासा ज्वरेयायेत तकं भुयुचःति पिकाःना ज्याः याना च्वनेमाःबले वैगु मन गुली ख्वल जुइ ? थः नयेतला थौं कन्हे बेसाः भालं थुली सास्ती अझ व थी थी जात्रा पर्व तजिलजित वं गथेयाना थःयाकःचां म्वाका तयेगु । गथेयाना क्वबिइगु वं व झ्यातूगु भाला ? देया तजिलजि देया गौरब सम्रक्षण यायेगु जिम्मा सरकारया खः तर उकीं वं सरकारं जकं छुं वैत ग्वाहाली याइकी धका ग्वाहाली फ्वनी तर तर तर थ्व सरकार…..?????
सरकारंला वैगु नेवाः तयेगु संमृदता खंका मिखा वंकाः व कुतिल चाल म्हिता नेवाः तयेगु गुथीगानाया सम्रक्षण यायेगु नाम्ये व दक्वं थःगु याना न्हापा हे काये धुंकूगु वं बल्ल सीइकी । थः बाज्या बराजु पिन्त आखः मसः पिन्त धोंल्हाना सरकारं क्वाप्प याये धुंकल खनी । आ ग्वाहाली फ्वंबले नेवा तयेत ल्वाप्पा नका है । दे या न्हाये धस्वाकेत मांसा नेवाः तजिलजित क्यना फुइँ याइम्ह थ्व सरकार थौं तजिलजि त संकस्तये लाःबले स्व वास्ता तकं मयाःगु …… वाह सरकारी निति वाह……
थपायेसकँ झीगु गौरव झीगु न्हाये संकस्तये लाये धुंकल तर नं तर नं सरकारयात दबाब बीत नेवाःत अझं न्ह्यलं मचाःनी । व थःगुहे सूरये दु । व थःगु हे तालये । वैत दुनें दुनें स्याःचा तर पिनेला व वास्यां न्हिला क्येना च्वंगु दु । आखिर थ्वनला छगु नेवाःया चिंहे खःनी मखाला । वास्यां न्हीलेगु । हें हें हें जिला अजुचा थ्व नेवाः तयेगु पहः खना…..
